Сұрақ-жауап

Алталиев Дархан Сембиевич
20.11.2017
Курметтi Альберт Темiрболатулы! Жукова кошесiндегi N 76, 78, 80, 90 уйлердiн тургындарынын атынан ауыз cу маселесин шешiп беру отiнiшiмен 2017 жылгы 19 казанда аудан акiмдiгiне жазбаша хат жолдадык. Жауабы келмедi. Аудан орталыгында тапшы болып отырган ауыз cу маселесiн дурыс шешiмiн тапса деймiз. Жауабын кутемiз.
Әкім (30.11.2017)
Құрметті Дархан Сембіұлы!
Сіздің 2017 жылғы 20 қарашадағы Блог - 13 хатыңызға төмендегідей хабарлаймыз.
Өзіңізге белгілі 2012 жылы «Ақ-бұлақ» бағдарламасы аясында сол уақытта жобалық-сметалық құжаттарға енгізілген аудан орталығындағы барлық үйлерге таза ауыз су өткізілді. Қазіргі таңда аудан бюджетінің есебінен Сіздердің үйлеріңізге ауыз суды тегін өткізуге мүмкіндік жоқ.
Үйлеріңізге өз қаражаттарыңызға ауыз су тартуға көшелеріңізден өтіп жатқан ауыз судың негізгі жүйесіне (основная трасса) қосылуға рұқсат алу үшін «Шыңғырлаукомтехсервис» МКК-на барып арыз жазу арқылы шешуге мүмкіндігіңіз бар екенін қаперіңізге саламыз.
Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Қыдыров Мейрамбек Амангелдіұлы
17.09.2017
Ассалаумағалейкүм Альберт Темірболатұлы. Алдыңғы қойылған сұраққа толығымен қанағаттандырарлық жауап берілгеніне рахмет! Сізден рұқсат болса бір өтініш болып тұр еді. Осы веб сайттың күнтізбесі және сұрақ жауап бөлімінде әкім деген жазу орысша баламада енгізілген. Мүмкін болса қазақша баламасына өзгертілсе нұр үстіне нұр болар еді.
Әкім (29.09.2017)
Құрметті Мейрамбек Амангелдіұлы!
Сіздің, Шыңғырлау ауданы әкімдігінің ресми интернет-ресурсына келіп түскен сұрағыңызға төмендегідей мәлімдеймін. Шыңғырлау ауданы әкімдігінің ресми интернет-ресурсындағы оқиғалар күнтізбесі бөлімінің қазақша және орысша нұсқасына толықтырулар жасалынып және әкім блогіндегі сұрақ-жауап бөлімінде қазақша баламасына өзгерістер енгізілді. Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Умаргалиев Жасулан Уалиманович
13.09.2017
Саламатсыз ба, мен Лубен ауылының тұрғынымын. Мектепте компьютерлік техниканы жөндеу-баптау маманы қызметін атқарудамын. Ауыл тұрғындарының өтініші бойынша Сізге хабарласып, солардың ұсынысын жеткізгелі отырмын. Жақында біздің ауыл тұрғындарына интернет және телефон байланыс қызметін көрсететін Қазақтелеком монтері қысқартуға ұшырапты. Енді байланыс сымын жел құлатқан ағаш үзіп кетсе немесе сондай жағдайлар болса кім жөндейді? Жай тұрғындарға бағана басына шығуға рұқсат жоқ және арнайы құралсыз шыға да алмайды. Осы жағдайды ескере отырып Сізден ауылдағы Қазақтелеком филиалына монтерге штат ашу мүмкіндігін қарастырсаңыз деген өтініш бар. Немесе сол жерде автокөлік жүргізушісі мен артық күзет қызметкерлерінің орнына монтерге жұмыс мүмкіндігін қарастыруға да болар ма еді. Сіз осы мәселені оң бағытта шешіп береді деп үміттенеміз. Рахмет.
Әкім (26.09.2017)
Құрметті Умаргалиев Жасулан Уалиманович!
Сіздің, Шыңғырлау ауданы әкімдігінің ресми интернет-ресурсына келіп түскен сұрағыңызға төмендегідей мәлімдеймін. Аудандық «Қазақтелеком» акционерлік қоғамының филиалында линейлік-техникалық цех монтер лауазымына қысқарту жұмыстары жүргізілмегенін хабарлайды. Сонымен қатар, Лубен ауылының линейлік-техникалық цех монтері басқа жұмысқа ауысуына байланысты, өз еркімен жұмыстан босатылған. Қазіргі уақытта бұл лауазым бос. Аталған бос лауазымға жұмысқа орналасу үшін, желі бойынша білімі мен 1000 Вт- қа дейін жұмысқа рұқсатнамасының болуы қажет. Ал, аудандық жұмыспен қамту орталығында жұмыссыздар тізімінде жоғарыда көрсетілген талаптарға сәйкес келетін үміткерлер жоқ. Егер де, интернет желісі немесе байланыс үзілген жағдайда, аудан орталығындағы «Қазақтелеком» АҚ ғимаратына арнайы кезекші 33-172, 33-165 нөміріне хабарласып өтініш білдіре аласыз. Сіздің ауылдағы «Қазақтелеком» АҚ-ның автокөлік жүргізушісі мен күзет қызметкерін жұмысқа қабылдау және шығару, Ақсай қаласындағы «Қазақтелеком» АҚ-ның филиалына бағынышты болғандықтан, біздің аудан құзырына жатпайды. Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз
Бисенгалиева Айдана Тынымқызы
12.09.2017
Құрметті! Есалиев Альберт Темірболатұлы. Тұрғын үй кезегі бойынша 08.09.17күні айтылған мәлімдеменіз бойынша, не себептен?және қандай құжаттар тапсыруым керек?
Әкім (28.09.2017)
Құрметті Айдана Тынымқызы!
Сіздің, Шыңғырлау ауданы әкімдігінің ресми интернет-ресурсына келіп түскен сұрағыңызға төмендегідей мәлімдеймін.
Қазақстан Республикасының «Тұрғын үй қатынастары туралы» Заңының 71-бабы 5-тармағына сәйкес, коммуналдық тұрғын үй қорынан тұрғын үйге мұқтаж адамдардың есебінде тұрған Қазақстан Республикасы азаматтарының кезектілік тізіміне жыл сайын түгендеу жүргізіледі. Қазақстан Республикасы Үкіметінің 2012 жылғы 26 маусымдағы № 856 қаулысымен бекітілген Мемлекеттік тұрғын үй қорынан тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж
Қазақстан Республикасының азаматтарын есепке қою қағидасына сәйкес:
1. өтініш беруші мен оның отбасы мүшелерінің жеке куәліктерін не паспорттарын; некеге тұру (бұзу), отбасы мүшелерінің қайтыс болуы, балалардың туу туралы (болған жағдайда) куәліктерінің көшірмелерін;
2. аумақтық әділет органының анықтамасын (өтініш берушіде және онымен тұрақты тұратын отбасы мүшелерінде меншік құқығында оларға тиесілі тұрғын үйдің жоқ немесе бар екендігі туралы);
3. азаматтарды тіркеу кітабының көшірмесі не мекенжай анықтамасы, не өтініш берушінің тұрғылықты тұратын жерi бойынша тiркелгенiн растайтын селолық немесе ауылдық әкiмдердiң анықтамасы;
4. халықтың әлеуметтiк жағынан әлсіз топтарына жататын азаматтар қосымша өтініш берушінің (отбасының) халықтың әлеуметтiк жағынан әлсіз топтарына жататынын растайтын құжаттарды Шыңғырлау ауданының тұрғын үй-коммуналдық шаруашылық, жолаушылар көлігі және автомомбиль жолдары бөліміне тапсыруыңыз сұралады.
Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Кыдыров Мейрамбек Амангелдіұлы
08.09.2017
Ассалаумағалейкүм Альберт Темірболатұлы Лубен ауылының аты өзгеруіне орай сұрақтар туындап отыр. Лубен ауылының аты Ақшат болып өзгеріп заңды күшіне енсе мен өзім ауылымның ғаламтордағы әр-түрлі веб сайттарда, карталарда, википедия, ауа-райы, блогтар, тағы басқа сервистердегі атын өзгерту ісіне ат салысайын деп едім. Ол үшін ауылдың аты өзгергендігі жөніндегі құжаттарды осы веб сайтта жариялауыңызды сұраймын. Рахмет!
Әкім (14.09.2017)
Құрметті Мейрамбек Амангелдіұлы!
Сіздің,Шыңғырлау ауданы әкімдігінің ресми интернет-ресурсының келіп түскен Лубен ауылдық округі мен Лубен ауылының атауын өзгерту туралы сұрағыңызға төмендегідей мәлімдеймін. "Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларын бекіту туралы" ҚР Үкіметінің 2014 жылғы 24 ақпандағы №138 қаулысының талаптарына сай құжаттар рәсімделіп, Батыс Қазақтан облыстық тілдерді дамыту басқармасына жолданды. Ендігі кезекте облыстық ономастикалық комиссияда қаралып Лубен ауылдық округі мен Лубен ауылының атауын өзгерту туралы шешім шыққаннан соң,Сіз қосымша хабарланатын боласыз. Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Бисенгалиева Айдана Тынымқызы
31.07.2017
Құрметті!!! Есалиев Альберт Темірболаұлы Орал қаласынан бірнеше балалар Шыңғырлау колледжіне түсуге ұсыныс жасайды,Шыңғырлау колледжінде қанша орын бар екенін біліп бере алмайсызба? Рахмет сау болыңыз .Күнінің жақсы өтсін!!!
Әкім (02.08.2017)
Құрметті Айдана Тынымқызы! Сіздің, Шыңғырлау ауданы әкімдігінің ресми интернет-ресурсына келіп түскен сұрағынызға сәйкес төмендегідей мәлімдеймін. Шыңғырлау колледжінде 2017-2018 оқу жылындакелесі мамандықтар бойынша бос орындар бар: 9 сынып базасында (2 жыл, 10 ай): ЭЕМ операторы(орысша) – барлығы 15 адам, бос орын 5; Электр жабдықтарымен қызмет көрсету жөніндегі электромонтер (қазақша) – барлығы 15 адам, бос орын 5; Тракторист-машинист (қазақша) – барлығы 20 адам, бос орын 20; 2. 11 сынып базасында (10 ай): ЭЕМ операторы(орысша) – барлығы 20 адам, бос орын 16; Сылақшы (қазақша) – барлығы 20 адам, бос орын 10; Тракторист-машинист (қазақша) – барлығы 20 адам, бос орын 20; Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Бисенгалиева Айдана Тынымқызы
30.07.2017
Құрметті, Есалиев Альберт Теміболатұлы! Мен Бисенгалиева Айдана Тынымқызы. Сізге қояр сұрағым: мен Орал қаласында тұрғаныма бір жыл болды, быйыл Шынғырлауға ауданына оқуға түстім. Мен тұрғын үй кезегінде, Орал қаласындамын ба? Əлде Шыңғырлау ауданында ма? Мен білмеймін Орал қаласында тұрғанымен тек бір жыл ғана болды.тұрғын үй кезегім қалаға ауыстыма егерде ауысшар жағдайда Шыңғырлау ауылыма қайта қоюға мүмкіндік бар ма? Размет сау болыныз
Әкім (09.08.2017)
Құрметті Айдана Тынымқызы! Сіз 2017 жылдың 1 тамызына мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үйге мұқтаждар есебiнің жетім балалар, ата-анасының қамқорлығынсыз қалған балалар тізімінде 17-ші болып кезекте тұрсыз. Қазақстан Республикасының «Тұрғын үй қатынастары туралы» Заңының 71-бабының 5 тармағына сәйкес ағымды жылдың сәуір айынан тұрғын үйге мұқтаж адамдардың есебінде тұрған Қазақстан Республикасы азаматтарының кезектілік тізіміне жыл сайын түгендеу жүргізілуіне орай, Сізден Шыңғырлау ауылы, Л.Қылышев көшесі № 112Е, 3-қабат, 4 кабинетте ораналасқан бөлімге келіп, қажетті құжаттарды тапсыруыңыз сұралады. Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Максотов Шадияр Тимурұлы
14.06.2017
Можно ли узнать ФИО Аким Белогорского сельского округа
Аким (20.06.2017)
Уважаемый Шадияр Тимурович! Акимом Белогорского сельского округа является Еслямов Рустем Тельманович.
Бекжанова Жания Жанбыровна
29.05.2017
Сəлеметсізбе! Тұрғын үй кезегінде нешінші тұр екенмін?
Әкім (08.06.2017)
Құрметті Жания Жанбыровна! Сіз 2017 жылдың 1 маусымына мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үйге мұқтаждар есебiнің мемлекеттік қызметшілер, бюджеттік ұйымдардың қызметкерлері, әскери қызметшілер, ғарышкерлікке кандидаттар, ғарышкерлер, арнаулы мемлекеттік орган қызметкерлеріне және сайланбалы қызмет атқаратын адамдар тізімінде 13-ші болып кезекте тұрсыз. Егер де, Сізді осы жауап қанағаттандырмайтын болса, Қазақстан Республикасының «Жеке және заңды тұлғалардың өтініштерін қарау тәртібі туралы» Заңының 12-бабына сәйкес шағымдануыңызға құқылы екеніңізді хабарлаймыз.
Курметов Каирбек Серикович
28.04.2017
Добрый день. Спасибо за ответ на мой вопрос, возник вопрос относительно ЖКХ. Мы жители нашего поселка столкнулись с проблемой. В нашем поселке нет обслуживания жителей специальной машиной для откачки канализации, название которой — ассенизаторская. Приходится решать свой вопрос без помощи государства т.е. обслуживание населения отсутствует в этом плане. В поселке три таких машин: в ХПП, в ЦРБ, в КОМТЕХСЕРВИС. В ЖКХ такая услуга отсутствует из за неимения такой машины.Помогите с приобретением специальной машиной для откачки канализации, название которой — ассенизаторская и дальнейшим оказанием услуги ЖКХ населению. Спасибо за ранее.
Аким (11.05.2017)
Уважаемый Каирбек Серикович. Аппарат акима Чингирлауского района относительно вашего письма в блокакима района А.Т.Есалиева сообщает следующее: государственное учреждение «Чингирлауский районный отдел жилищно-коммунального хозяйства, пассажирского транспорта и автомобильных дорог» согласно положению не может осуществлять коммерческую деятельность, а вывоз нечистот относится к деятельности конкурентной среды. На основании вышеизложенного поясняем Вам, что вы сами можете напрямую договориться с частными лицами которые имеют машину для откачки септиков. В случае несогласия с настоящим ответом, Вы вправе в соответствии с пунктом 1 статьи 17 Закона «Об административных процедурах» обжаловать его в вышестоящий государственный орган или в суд

Сұрақ қою / Задать вопрос

  Refresh Captcha