Құрметті Шыңғырлау ауданы әкімдігінің ресми интернет-ресурсына келушілер!


Akim

Шыңғырлау өңірі байтақ қазақ жұртының бір мекені. Оның да өзіндік табиғи ерекшелігі, замани тарихы мен шежіресі бар.

Аққұмында Ақшахан шаһарын салдырған, Торатбас пен Қыземшекте Қобланды батыр қылышын қалдырған, Шыңғырлау өзенінен Асан қайғы бабамыз желмаясының шөлін қандырған құтты мекен, киелі орда.   

Ақ Жайықтың Ресейге ашылатын қақпасы саналатын Шыңғырлау ауданы даңқты қолбасшы Табын Бөкенбай баһадүрдің, оның ұрпақтары Тіленші, Жоламан батырлардың Отаны. Егеулі найзаны қолға алып ел қорғаған бабалар ерлігін жалғастырған Сүндетқали Есқалиев, Андрей Тихоненко, Георгий Шевцов, Бисенғали Мұқанбетовтардың елі.

Жыр дүлділі Көшелек жырау мен ән бұлбұлы Қалампыр Рахимованың қасиетті өлкесі. Бабалар өсиетіне адал өскелең ұрпақтың өмір сүріп, еңбек етіп жатқан шырайлы өңірі.       

Шыңғырлау өңірі табиғаты мал өсіруге, сонымен бірге егін егуге де қолайлы. Ауданда ет шаруашылығын дамыту мақсатында ірі қара мал - қазақтың ақбас сиыры, көшім жылқысы мен Еділбай қойы өсіріледі.

Біздің интернет-ресурсымызға келушілер ауданымыздың тарихымен танысып, ауданда болып жатқан тың жаңалықтар туралы білуге, өзін толғандырып жүрген сауалдарына жауап алып, өз ұсыныс-пікірлерін ұсынуға мүмкіндік алады.

Интернет-ресурсымызда өңірдің әлеуметтік-экономикалық даму қорытындылары, өңірлік бағдарламаларды іске асыру барысы, жүргізіліп жатқан іс-шаралар, жүзеге асырылып отырған жобалар, атқарылған істер көрініс табады.

Аудан әкімінің аппараты аталған интернет-ресурсты жетілдіру бойынша қажетті шараларды ұдайы қабылдайды. Егер интернет-ресурстың жұмысын жақсарту, жетілдіру жөніндегі ұсыныстарыңыз болса, біз ризашылықпен қабылдаймыз.

Барша аудан тұрғындарына дендеріне саулық, отбасыларына амандық тілеп, Шырайлы Шыңғырлау өңірін гүлдендіріп, көркейтуге шақырамын!

Біздің интернет-ресурсқа қош келдіңіздер!

Құрметпен,

Шыңғырлау ауданының әкімі

Альберт Темірболатұлы Есалиев

 

  

Жаңалықтар


 

Семинар-кеңес өткізілді

рисунок

Аудан әкімі аппаратының мәжіліс залында Қазақстан Республикасының мемлекеттік рәміздерінің стандарттарға сай болуын және заңнамаға сәйкес пайдалануы бойынша семинар-кеңес өткізілді.

Толығырақ...


Шыңғырлау ауданы әкімі халық алдындағы есебін берді

рисунок

Шыңғырлау ауданының әкімі Альберт Есалиевтің халыққа есеп беру кездесу жиыны болып өтті. Есепті жиынға облыс әкімі Алтай Көлгінов, бірқатар облыстық басқармалардың басшылары, жергілікті мекеме-кәсіпорындардың жетекшілері мен аудан тұрғындары қатысты.

Толығырақ...


ШЫҢҒЫРЛАУДА «OPEN TALKS» АШЫҚ АЛАҢ ФОРМАТЫНДА КЕЗДЕСУ ШАРАСЫ ӨТТІ

рисунок

2019 жыл «Жастар жылы» болып жариялануына байланысты және «Шыңғырлау жастары» жастар қоғамдық бірлестігінің құрылғанына 15 жыл толуына орай «15 жылдыққа-15 шара» атты бір күнде қатарынан 15 шара өткізу мақсатында аудан әкмі Альберт Есалиевтің және жастардың қатысуымен «Open Talks» ашық алаң форматында кездесу шарасы өтті.

Толығырақ...


Жаңа бизнес-идеяларды іске асыруға мемлекеттік гранттар берілді.

рисунок

Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасының ІІ бағыты «Жаппай кәсіпкерлікті дамыту» аясында мемлекеттік гранттар бастапқы бизнесті іске асырып жатқан немесе іске асыруды жоспарлайтын Бағдарламаға қатысушыларға өтеусіз және қайтарымсыз негізде беріледі.

Толығырақ...


Барлық жаңалықтарды оқу ...