Құрметті Шыңғырлау ауданы әкімдігінің ресми интернет-ресурсына келушілер!


Шыңғырлау өңірі байтақ қазақ жұртының бір мекені. Оның да өзіндік табиғи ерекшелігі, замани тарихы мен шежіресі бар.

Аққұмында Ақшахан шаһарын салдырған, Торатбас пен Қыземшекте Қобланды батыр қылышын қалдырған, Шыңғырлау өзенінен Асан қайғы бабамыз желмаясының шөлін қандырған құтты мекен, киелі орда.   

Ақ Жайықтың Ресейге ашылатын қақпасы саналатын Шыңғырлау ауданы даңқты қолбасшы Табын Бөкенбай баһадүрдің, оның ұрпақтары Тіленші, Жоламан батырлардың Отаны. Егеулі найзаны қолға алып ел қорғаған бабалар ерлігін жалғастырған Сүндетқали Есқалиев, Андрей Тихоненко, Георгий Шевцов, Бисенғали Мұқанбетовтардың елі.

Жыр дүлділі Көшелек жырау мен ән бұлбұлы Қалампыр Рахимованың қасиетті өлкесі. Бабалар өсиетіне адал өскелең ұрпақтың өмір сүріп, еңбек етіп жатқан шырайлы өңірі.       

Шыңғырлау өңірі табиғаты мал өсіруге, сонымен бірге егін егуге де қолайлы. Ауданда ет шаруашылығын дамыту мақсатында ірі қара мал - қазақтың ақбас сиыры, көшім жылқысы мен Еділбай қойы өсіріледі.

Біздің интернет-ресурсымызға келушілер ауданымыздың тарихымен танысып, ауданда болып жатқан тың жаңалықтар туралы білуге, өзін толғандырып жүрген сауалдарына жауап алып, өз ұсыныс-пікірлерін ұсынуға мүмкіндік алады.

Интернет-ресурсымызда өңірдің әлеуметтік-экономикалық даму қорытындылары, өңірлік бағдарламаларды іске асыру барысы, жүргізіліп жатқан іс-шаралар, жүзеге асырылып отырған жобалар, атқарылған істер көрініс табады.

Аудан әкімінің аппараты аталған интернет-ресурсты жетілдіру бойынша қажетті шараларды ұдайы қабылдайды. Егер интернет-ресурстың жұмысын жақсарту, жетілдіру жөніндегі ұсыныстарыңыз болса, біз ризашылықпен қабылдаймыз.

Барша аудан тұрғындарына дендеріне саулық, отбасыларына амандық тілеп, Шырайлы Шыңғырлау өңірін гүлдендіріп, көркейтуге шақырамын!

Біздің интернет-ресурсқа қош келдіңіздер!

Құрметпен,

Шыңғырлау ауданының әкімі

Альберт Темірболатұлы Есалиев

 

  

Жаңалықтар


 

Жайдарлы «Жайдарман»

04.09.2018

рисунок

Жуырда Жастар күніне орай және Шыңғырлау ауданы әкімінің кубогы үшін жастармен жұмыс жөнідегі ресурстық орталығының ұйымдастыруымен  облыстық «Жайдарман» ойыны өткізілді.

Толығырақ...

Әзірлік жұмыстарымен танысты

04.09.2018

рисунок

Жуырда Шыңғырлау ауданына облыстық білім басқармасының басшысы Шолпан Қадырова іссапармен келді.

Толығырақ...

Бұлақтың көзі ашылды

04.09.2018

рисунок

Аудан орталығы Шыңғырлау селосының іргесіндегі Ақкөлдің тұзы шипалы, балшығы емдік  қасиетке ие. Бұл жерге аудан халқы тұзға түсіп, балшығымен емделуді дағдыға айналдырған.

Толығырақ...

Ақшаттағы қуаныш

04.09.2018

рисунок

Шыңғырлау өңірінің күннен-күнге шырайланып, экономикасының жақсаруына бірден-бір себеп ауданымыздың шалғай жатқан ауылдарында мемлекеттік бағдарламалардың іске асуы. Бүгінгі таңда ауданымыз бойынша көптеген мәселелер өзінің оңды шешімін тапса, соның бірі жуырда Ақшат ауылында «Ақбұлақ» бағдарламасы арқылы таза ауыз су құбыры іске қосылуы.

Толығырақ...

Цифрландыру жұмысы сараланды

04.09.2018

«Цифрлық  Қазақстан» бағдарламасы елімізде жүзеге асуда. Бұл жұмыс біздің ауданымызда да өз дәрежесінде жүріп  жатыр деп айтуға болады.  Бағдарлама аясында біркелкі жұмыстар атқарылып,  мемлекеттік қызмет көрсету жұмысы электронды үкімет   тәртібімен жүр-гізілуде.  Цифрлық  технология жақсы дамып келе жатқан  елімізде  бүгіннің  өзінде   мобильді банкинг, онлайн-сауда, цифрлық сервистер,  әсіресе халық қызметін көп тұтынатын денсаулық сақтау, білім беру,  тұрғындарды жұмыспен қамту салаларында, халыққа қызмет көрсету орталықтарында жүзеге асуда. Себебі, адамдарымыздың  қажеттілігіне қарай  қызмет ете отырып,  заманымызға қарай  жаңашыл үрдістерден қалыспай пайдаланып, әсіресе, құжатқа байланысты қызмет  көрсетуде уақытты үнемдейміз. Сондықтан да, міне, тұрғындарға көрсетілер  қандай да болмасын сан алуан  қызмет түрлерінің  қол жетімділігі,  қызметтің тез, әрі  тиімді болуына үлкен мән берілуде. Оның үстіне жемқорлық фактілерінің азаюына сеп болмақ. Осы мәселемен  жуырда аудан әкімдігінде жиын  оздырылып,  цифрландыру жұмысының  барысы  екшеленді. Жиынды аудан әкімі  Альберт Есалиев  ашып, жүргізіп отырды. Әрбір саладағы атқарылған  жұмыстар туралы тыңдап, әр сала бойынша бағамдап,  осы жиында олардың  олқылықтары мен қол жеткен табыстары да ескерілмей қалған жоқ.

Толығырақ...

Қыстың қамын жазда ойла

30.07.2018

рисунок

Жазғы  жаңбырдың аз болуына қарамастан бар шөпті шауып, жинау жұмысын жақсы жүргізіп жатыр деуге  негіз бар.  Бүгінгі күні 69510 га жердің шөбі, шабылып 33010 тонна мал азығы дайындалды. Әр гектарынан 3 центнерден өндірілген пішеннің сапасы да жаман емес. Биылғы шөп шабу науқанына 168 трактор, 148 пішен шабатын орақ қатынасуда.

Толығырақ...

Барлық жаңалықтарды оқу ...